Sostené Bo Empresario Lokal Chiki

 English

Lantá Manera Padestül.

Mas i mas negoshi chiki ta lantando manera padestül den merkado global i Korsou no ta un eksepshon. Diferente personanan na Korsou ta embarká den e mundu di empresa chiki, kaminda mi ta pensa ku enberdat ta masha logikó pa tin bo mes empresa chiki. 

Aki ta algun rasonnan ku ami ta kere ta hopi bon pa bo tin bo mes empresa:

1. Bo por skohe bo mes orario di trabou.
2. Bo tin satisfakshon hasiendo e trabou. (Klaro, tabata bo mes idea pa tin bo mes negoshi.)
3. No tin niun donjo di trabou pa manda riba bo.
4. Bo ta keda ku TUR e ganashi.

Trahando pa un kompania no ta un garantia ku lo bo tin un trabou riba termino largu. E pandemia di Covid a demonstrá ku bo por pèrde bo trabou al instante. Den un klap, SIN TRABOU!! Pues, aun mas e rason pa tin bo mes empresa. 

Donjo Di Bo Mes Negoshi.

Ok, bo a kompilá tur bo papeleronan i aspektonan legal pa establesé bo negoshi i tambe bo ta kla pa risibí bo klientenan nobo. Dianan, simannan, lunanan ta pasando, i nigun alma sa ku bo ta eksistí. 

Bo ta pensandó: "Kiko por a bai robes?" 

Hmmm. Bo a hasi algu di merkadeo? Bo a hasi propoganda? Hendenan sa ku bo a establesé un negoshi? Siguramente, un dje preguntanan ta aplikabel n"abo. Lokual bo tin mester, ta YUDANSÁ.

Sosteniendo Donjo Di Negoshi Manera esun d'ibo.

Donjonan di negoshi tin ku sostone otro, espesialmente ora ta toka empresarionan lokal.

Esaki NO kiermen ku bo tin ku kobra bo co-empresario un preis eksorbitante pa bo servisio. 

Al kontrario, esaki kiermen ku mester koloborá ku otro ku un preis rasonabel pa por kompetí ku e gigantenan. 

Sigiente ta algun manera praktikó pa sostoné bo co-emprsario chiki, segun un arikuló den Forbes:

1. Kuninsá chikitu ora bo kumpra sea produkto of servisio. Husa produkto/servisio di bo co-empresario chiki enbes di kumpra serka empresanan grandi.
2. Koloborá ku otro empresarionan chiki pa yuda bo komunidat i kompartí espasio. 
3. Krea un grupo di komunidat riba medianan sosial i otro plataforma pa kompartí ideanan i eksperensia. 
4. Yuda otro dor di referí kliente na ambos negoshi.
5. Ofresé diskuento na empresa lokal chiki. 

Konklushon

Un manrea pa tin un empresa prosperó ta dor do koloborá i buska yudansa di otro empresa chiki. 

Yudando otro, por ta benefisial pa epresarionan kuminsa chikitu i krese.

Elton Browne photography ta aki pa yuda bo empresa krese dor di krea propaganda pa bo negoshi.

Sera konosi ku nos dor di lesa: Ken Ta Elton Bowne photography?

Informashon di kontakto: 

• Kontak Elton Browne photography
• Facebook
• Of na banda drechi di e blog aki.

Pregunta:

Ki otro benfisio bo ta mira pa juda bo empresa lokal chiki?

Husa e komentario abou pa laga bo pensamentunan atras.

Palabranan Sitá:

Panel, Expert. “Council Post: 10 Practical Ways to Support Your Fellow Small Business Owners.” Forbes, Forbes Magazine, 30 Oct. 2020, https://www.forbes.com/sites/theyec/2020/10/30/10-practical-ways-to-support-your-fellow-small-business-owners/?sh=4ccefae428d6. 

Imagenan: Freepik, Wholesalesamurai, and Entrepreneur