Ken Ta Elton Browne Photography?

Background:

Elton Browne Photography (EBP) ta un kompania establese na korsou i maneha pa un yiu di KORSOU.

Aunke ku e nomber Elton Browne ta zona Ingles, e persona a nase na korsou di un Mama i Tata Ingles nasé na Montserrat.

Elton a bai skol basiko na Buena Vista (St. Laurentiusschool), Mavo (Ignatius College), HAVO (Peter Stuyvesant College).

Elton tabata tin hopi pashon pa aviashon kaminda e la sera konosí ku aviashon na Jeugd Luchtvaart Brigade (JLB).

Despues di skol, Elton a sigi un opleiding di Air Traffic Control na Mahuma, Korsou.

Despues di a traha dos anja na Air Traffic Control, Elton a bai Trinidad & Tobago pa sigi su kurso komo Piloto Komersial na 1980. 

Dos anja despues na 1982, Elton a traha na, entre otro, ABC Commuter, ALM, KLM, DCA, AirAdriatic (Croatia), Belleair (Albania), i finalmente na Insel Air (Korsou) kaminda e la bula por ultimo na 2017.

Aviashon no tabata e uniko pashon di Elton. E tabata stima arte tambe.  

Su prome ekuentro ku Arte tabata ku "figuur zaag" durente skol basiko. Elton su prome figura di palu tabata Olive di Popeye. E arte di figuur zaag a sigi te ku su MAVO kaminda Elton a kambia pa pintamentu. Durante e art di pintamentu Elton a gana e segundo premio di pintamentu kaminda tur skol secundario na Korsou por a partisipà. 

Durante su estudio na Peter Stuyvesant College, Elton a sera konosi ku DOKA (DOnkere KAmer).

Aki Elton a sinja kon ta prosesa film i asina sera konosi ku fotografia. Su mama tambe a hunga un rol den Elton su bida dor di dune un camera di plestik funshonal.

Estudio di fotografia Avansà

Elton su prome kusro serio di fotografia tabata di New York Institute of Photography.

Na 2013, sabiendo ku e trabou di piloto komersial lo bin na su fin, Elton a apliká na Academy of Art University pa sigi un estudio den fotografia pa su "Bachelor degree of Fine Arts" kual e la finalisá na 2021 (PORFIN)🙏.

E studio tabata intensivo ku mas ku 40 vak. Finalmente Elton a gradua na December 2021 komo fotografó komersial ofisialmente. 

Elton Browne photography.

Elton Browne photography ta e nomber alternativa di Korsou Scenery (nomber di komersio). 

Korsou Scenery ta ofisialmente registrà na "Kamer van Koophandel" Curaçao. E nomber Korsou Scenery a ser skohe initialmente, pasobra e konsentrashon tabata mas tantu riba paisahe di Korsou i tambe tabata konsentrá riba merkado di Korsou. Pero tempu a kambia i mester a bai internashonal. Pa hasi esey mester a buska un nomber ku ta indiká ku e negoshi ta unu di fotografià. Pues e nomber "Elton Browne photography.

Kiko Elton Browne photography ta ofresé?

Ofisialmente nos ta kosentrá riba e merkado komersiál. Ku kolaborashon di e kliente nos ta produsí imagenan ku ta papia ku e kunsumidó. Pues, imagenan ku ta kapta atenshon di e kunsomidó.

Nos no ta para ketu so na merkado komersiál. 

Nos servisio secundario tambe ta kubri:

• Hasimentu di anja                                                 
• Aniversario
• Saka potret di Animal
• Kasamentu
• Risibimentu 

Kiko Awor?

Awor ku bo sa ken ta Elton Browne photography i ki servisio nos ta ofrese, a bira momentu pa tuma kontakto ku nos na e sigiente opshonnan:

• Elton Browne photography.
• Facebook

Por fabor no duda pa tuma kontakto ku nos pa kualke pregunta of informashon.

Danki pa lesa mi pagina Blog i te un otro biaha.

Ajooooooo.